Elvana Gjata dhe Aurela Hoxha bëjnë xing me të njëjtën veshje

Të shumta janë rastet kur personazhet VIP të showbiz-it kanë bërë xing me njëri-tjetrin me të njëjtën veshje. Secili zgjedh ta kombinojë atë  në mënyrën e tij, mirëpo asnjëherë nuk kanë munguar krahasimet e fansave, të cilët i kanë vënë VIP-at përballë njëri-tjetrit për të votuar se cilit prej tyre i shkon më shumë veshja, apo cili është treguar më kreativ në kombinim.

Kështu ka ndodhur edhe me dy vajzat e showbiz-it shqiptar, këngëtaren Elvana Gjata dhe modelen Aurela Hoxha. Dy vajzat kanë bërë xing me njëra-tjetrën, pasi kanë zgjedhur një kombinim fund dhe këmishë të markës Louis Vuitton. Sipas “Bordo”, këmisha kap vlerën 1200 euro, ndërsa fundi kushton 1130 euro. Pra, veshja në tërësi e vajzave kap shifrën 2330 euro.

Elvana e veshi së fundmi këtë kombinim në ditëlindjen e Era Istrefit dhe në postimet e publikuara në rrjete sociale shfaqej me këmishën e lidhur në bel, ndërsa vetëm pak orë më parë Aurela Hoxha publikoi një foto ku shfaqej me të njëjtën veshje, teksa kishte pozuar me të ëmën duke i uruar ditëlindjen.

Aurela kishte zgjedhur që këmishën ta mbante brenda pantallonave, ndërsa ajo që vihet re është se të dyja vajzat e kanë kombinuar kostumin me atlete të bardha dhe duhet ta pranojmë se duken bukur me këtë kombinim.

Elvana Gjata dhe Aurela Hoxha bëjnë xing me të njëjtën veshje

About The Author
-